HPC Cup 2021 an khel ṭan

Lunglei District Football Association (LDFA) hnuaia inelna lian leh ngaihhlut, veng/khua inelna High Powered Committee (HPC) Cup 2021 chu nimin aṭang khan Ṭhuamluaia Mual, Lungleiah khelh ṭan a ni.

Nikum khan hri leng vangin tournament hi neih theih a ni lo a, kuminah pawh kal phung tih danglam a ni. Zone FA parukah phase 1 khelh hmasak niin, chumia champion team chuan Lunglei khawpui chhunga team ṭha nen phase 2 an khel.

Kuminah hian team 24 an inlan dawn. Lunglei khawpui chhung team bakah - Haulawng, Ṭawipui South, Tlabung, Lungsen VC-I, Laisawral leh Dengsur te an inel ang.

HPC Cup khelh hnuhnun ber 2019 khan Zotlang an champion a, a zawna vawi 4 champion thei Electric Veng chu champion zing ber niin Zobawk South chuan tournament hnuhnung pahnihah final lut ve vein vawi khat an champion bawk.

Kum 2010 aṭang khan HPC Cup hi khelh ṭan niin, kuminah hian ruahman lawk ang chuan April 20, Thawhlehni hian final khelh a ni ang.

Nimin Inkhel Result
Bazarveng 1 - 1 Ramthar
(Penalty shootout-ah Ramthar 9-8 in an chak)

Vawiin Inkhel Tur
Rahsiveng 09:45AM Lungpuizawl
Haulawng 12:15PM Pukpui
Hauruang 02:45PM College Veng

April 8, Ningani
Serkawn 09:45AM Sethlun
Venghlun 12:15PM Luangmual
Tawipui South 02:45PM Laisawral