Boro-in Watford an chelh

Championship inkhel-ah Premier League khelh tum Watford chu Middlesbrough-in an chelh a, Thawhṭanni zan khan Riverside Stadium-ah 1-1 in an inhnehtawk. Hornets tan Ismaila Sarr-a'n minute 32-naah a khung a, Boro hian minute 78-naa Yannick Bolasie goal hmangin an sut.

Championship-a pakhatna leh pahnihna hi playoff khelh ngai loin Premier League an tling nghal a, Watford hian point 79 hmuin pahnihna dinhmun an hauh mek. Hornets hi vawi ruk an chak zawn tawh a, Boro nen pawh goal khung hmasa an goal neih sa an hum theih loh avangin point khatah an lungawi a ṭul.

Watford hi anmahni hnaihtu Brentford-in point 10-in an pha lo a, amaherawhchu match hniha an khelh tam avangin Premier League khel lo thei dinhmunah an la ding. Brentford hian nizan khan Birmingham an hmachhawn a, result kan hre hman lo.