A dinhmun ngaiah Barty a ding

Hmeichhe tennis thuneitu sang Women's Tennis Association chuan April 5, Thawhṭanni zan khan world ranking thar a ti chhuak a, a chung berah Ashleigh Barty a awm chhunzawm zel.

Miami Open champion Barty hnuaiah hian Australian Open champion Naomi Osaka a awm. Inelna neih hnuhnung Miami Open final-a chak lo Bianca Andreescu chuan player pathum lehpelin parukna dinhmun a rawn luah.

Season hmasa khan hrileng vangin inelna a awm mumal thei lo. Tournament an khelh chhunah pawh hrileng hlauh vangin Barty hi a inlan lo, harsatna karah pawh a chung ber dinhmun hi a la hum zel thei a ni.