Stimac aiin ka thawk ṭha thei ang - Vincenzo

Gokulam Kerala boss Vincenzo Alberto Annese chuan India coach Igor Stimac aia hna a thawh ṭhat theih a rin thu a sawi a, a inringtawk hle.

Italian coach chuan, "India ramah hian ka career-a hmasawn turin ka lo kal a, hun ṭha nei ngat ila chuan tuna India coach Stimac ai hian ka ti ṭha thei zawk ang," tiin a sawi!

Kum 36 mi Annese hian August 2020 aṭang khan Gokulam enkawl hna a thawk ṭan a, a season hmasa berah Kerala club hi I League nomawi a chawipui nghal.

Annese hian Ghana, Palestine, Indonesia leh Belize-ah te coach hna chelhin hun a lo hmang kual tawh a, a kum tam lo mah se tawnhriat erawh a nei tam tawh hle.