Thla khat chawl tur Rice

West Ham midfielder pawimawh Declan Rice chu England tana a feh chhuahna lamah a khupah hliam a tawrh avangin thla khat chhung a chawlh a ṭul dawn.

Kum 22 mi Rice hi England-in Albania leh Poland an hneh ṭumin a khel tluan a, West Ham tan tun season match zawng zawngah a la inlan vek bawk.

Frank Lampard-a'n Chelsea a enkawl lai khan Rice hi pound maktaduai 50-in lakluh an tum niin sawi a awm a, Manchester United nen pawh an sawi zawm. Amaherawhchu, Hammers manager Moyes chuan Rice a hlutna hi pound maktaduai 100 ai pawha san thu a sawi tawh a, hei hian West Ham tana Rice pawimawhna a sawi lang chiang hle.

Season thara Champions League khelh tum Hammers hian Thawhṭanni zan khan Rice tel loin Wolves 3-2 in hneh mah se Premier League-ah match riat khelh tur a la awm avangin kar li chhung ngawt English midfielder awm lo tur hi channa nasa tak a ni ang.