Zaninah TNT vs Chhinga Veng Spikers

Suzuki Gixxer Pro Volleyball League chu zanin hian Chawnpui Sports Centre-ah league round match hnihna chhunzawm a ni dawn. TNT, Muanna Veng leh Chhinga Veng Spikers te an inkhel ang.

Team indinthar Chhinga Veng hian an match hmasa zawkah season hmasa finalist Tuichangral an hneh thei a, set nga an la fai vek - match hmasa bera set hloh lo awmchhun an nih avangin zaninah pawh inrintawkna an nei sang dawn.

TNT erawh an match hmasaah an chak lo. Muanna Veng hi tlawm mah se an hneh loh hi champion lai Hunthar an nih bakah set hnih an la thei a, an khelh ṭhat ni chuan team dang hneh thei turin an ṭha tawk - chak loh nawn an tum lo ang.

Suzuki Gixxer Pro Volleyball League-ah hian set nga (point 15 game) an khel a, set khat lakah point khat zel an hmu. An inkhelh kual hnuah point hmu sang paliin semifinal an khel dawn a ni, match tinah hian RS Traders Player of the Night thlan ṭhin a ni bawk.