CM-in Zokhawsang a tlawh

Chief minister Zoramthanga chuan nimin khan Zokhawsang, Zemabawka Assam Rifles hmun thar a tlawh a, sorkar mi pawimawhte leh Assam Rifles hotute'n an ṭawiawm.

CM Zoramthanga hian Aizawl khawpui laili aṭanga Assam Rifles-te an insuan luh theihna tura inpuahchahna kalpui dan a enfiah a; ruhrel din tawh dan te, AR sipaite chenna tur hmuna mamawh zualpui - tui, kawlphetha leh inkalpawhna kawng dinhmunte an sawiho a ni.

Chief Minister hi Home minister Lalchamliana, Agriculture minister C Lalrinsanga, IPR minister Lalruatkima leh CM advisor C Lalramzauva ten an ṭawiawm a; Home, PWD, P&E leh sorkar department danga hotu lute'n an zui bawk.