Djokovic-a'n hma hruai fal

Thawhṭanni zan khan Association of Tennis Professionals chuan world ranking thar a ti chhuak a, number 1 nilai Novak Djokovic chuan amah hnaih bertu Rafael Nadal lakah point 3000 chuang zetin hma a hruai fal.

Kar hmasa khan player pahnih hi Monte Carlo Masters-ah an inlan, French Open champion Nadal hian semifinal-ah Fabio Fognini hneh loha a tlak avangin a nomawi a hloh a, title bakah ranking point a chan tel bawk.

French Open inbuatsaih nan Barcelona Open khelh zui lehnghal a ni a, Grand Slam vawi 17 champion tawh Nadal hian a match hmasa ber atan vawiin hian Leonardo Mayer a hmachhawn ang. Mayer hian Marius Copil chu 6-3, 6-7 (3-7), 7-5 in a lo hneh tawh a ni.

Inkhel dangah Spanish player pahnih an intawng a, tawnhriat nei ṭha Fernando Verdasco chuan a hnampui Feliciano Lopez 6-4, 6-3 in a hneh. World number 57 Jaume Munar pawhin Pedro Sousa 2-6, 6-4, 6-0 in a hneh ve bawk.