Kulikawn an insiam ṭha

Mapuia Cricket League match hmasa bera an tlawm hnuin Kulikawn an insiamṭha nghal a, nimin khan Chanmarians chu run 39-in an hneh. Suaka Cricket Ground-ah Kulikawnin over 20-ah run 125 siamin wicket ruk an hloh a, run 32 siama a tawp thleng dam Parvez Ahmed a langsar.

Kulikawn tan Moses Ramhlunmawia leh K. Lalhmingmawia ten wicket thum ve ve rawn la zuiin Chanmarians an zawr a, over 18.4-ah out vekin run 76 bak an tlin lo.

Nimin inkhel hmasa zawkah Zarkawt Lords chuan wicket sarihin Ramhlun Venglai an hneh bawk. RVL hian Zarkawt bowler C. Lalrempuia ngam loin over 16.5-ah an out vek a, run 63 chiah an tlin.

Rempuia hian over li-a vawmah run riat lek pein wicket ruk a la a, Zarkawt batsman-te tan hnathawh tur a tam tawh lo. Over 15.1-ah an target an umpha fel der a, wicket thum chiah an hloh.