Celtic legend McNeill a thi
Scottish club lian Celtic legend Billy McNeill chu nimin khan kum 79 mi niin a thi a, Manchester City leh Aston Villa coach pawh lo ni tawh hi rilru lama harsatna thlen thei natna 'dementia' avangin kum 2010 aṭang khan a buai tawh a, a hun hnuhnung lamah phei chuan a natna avang hian a ṭawng chhuak thei lo hial a ni.
McNeill hian player a nih laiin 1966-67 khan Celtic chu European Cup-ah nomawi a chawipui a, Inter Milan lakah 2-1 in hnehna an chang. Scottish league-ah Celtic hi vawi kua ngawt a champion pui hman a, coach a nih hnuah pawh Celtic hi league nomawi pali, Scottish Cup (3) leh League Cup (1)-te a chawipui leh thei.