Semifinal-ah Milwaukee Bucks

Nimin zing NBA playoff inkhelah Giannis Antetokounmpo-a point 41 score hmangin Milwaukee Bucks chuan Detroit Pistons 127-104 in an hneh a, kum 2001 hnua a vawi khat nan Bucks hian Eastern Conference semifinal an inhlangkai.

NBA playoff khelh laiah Boston Celtics chu conference semifinal lut hmasa ber an ni a, final lut tur chuan Bucks hi an paltlang leh a ngai ang. Team pahnih hian best of seven series chu 4-0 ve ve in an la thei a ni.

Bucks coach Mike Budenholzer chuan, "Playoff kan khelh hnuhnung ber khan inkhel pawimawh takah Chicago kan hneh lo kha a ni a, tunah erawh thawnthu ziah danglam niin semifinal kan thleng ta," a ti.

NBA Playoff Fixture
April 25, Ningani
Rockets 5:30 AM Jazz
(Rockets hian series-ah 3-1 in hma an hruai)
Warriors 8:00 AM Clippers
(Warriors hian series-ah 3-1 in hma an hruai)