Turner record duhawm lo neih zanah Rajasthan an tlawm

Australian batsman Ashton Turner chuan Twenty20-ah record duhawm lo tak a siam a, Thawhṭanni zan khan Rajasthan Royals tan Delhi Capitals a hmachhawnnaah run siam loin a out - T20 match nga chhung a zawna 'duck out' hmasa ber a ni!

Turner hi Indian Premier League khelh hmain Big Bash League leh Australia tana a inlannaah run siam loin vawm out a ni tawh a, IPL-ah hian match thum a zawnin run siam loin a out leh a, record duhawm lo tak a siam phah.

Kum 26 mi batsman khelhna Rajasthan Royals tan hian Ajinkya Rahane chuan run 100 ngawt siamin a tawp thleng a dam a, captain atana Rahane thlaktu Steven Smith chuan run 50 a siam ve bawk.

Rajasthan club hian over 20-ah run 191 siamin wicket ruk chiah an hloh a, target huphurh­awm tak a ni. Mahse, Delhi tan a ding chhuak hmasa pahnih Prithvi Shaw (42) leh Shikhar Dhawan (54)-te an rawn chetpui nghal avangin DC dinhmun a ngaihtuahawm lo hle.

Rishabh Pant chuan run 78 rawn siamin over 19.2-a an tar­get an umphak thlengin a bat a, wicket li chauh hloh chungin Delhi hian hnehna an chang ta a ni.

Inkhel Result
Delhi Capitals bt Rajasthan Royals
*Wicket rukin Delhi Capitals an chak
DC - 193/4 (19.2) RR - 191/6 (20)
Rishabh Pant - 78* (36) Ajinkya Rahane - 105*(63)
Shikhar Dhawan - 54 (27) Steven Smith - 50 (32)
Shreyas Gopal - 47/2 (4) Kagiso Rabada - 37/2 (4)
Riyan Parag - 25/1 (3) Ishant Sharma - 29/1 (4)

Zanin Inkhel Tur
Royal Challengers Bangalore 8:00 PM Kings XI Punjab