Saina leh Sindhu an chak

Badminton Asian Cham­pionships khelh laiah Saina Nehwal leh PC Sindhu te chuan nimin khan an match hmasa ber an khel a, India nula te hian harsatna lian tham tawk loin hnehna an chang.

Last 16 lut turin Saina hian world number 12 Han Yue chu 12-21, 21-11, 21-17 in a hneh a. Lon­don Olympic bronze medalist hian game hmasa ber hloh mah se a hnuhnung pahnihah erawh a dingnghet.

Inkhel hnuhnung zawkah PV Sindhu chuan hnehna chang turin darkar chanve bak a mamawh lo. Sindhu hian Sayaka Takahashi chu 21-14, 21-7 in a sawp. Saina leh Sindhu te hian Asian Championships-ah hian Dinesh Khanna (1965) hnua Indian shuttler sing­les gold medal la thei leh hmasa nih an tum.

Mipa doubles huangah Meghana Jakkampudi leh Poorvisha S. Ram te ṭangdun chu Thailand tlangval Jongkolphan Kititharakul leh Rawinda Prajongjai te lakah 13-21, 16-21 in an chak lo.