German Cup final-ah RB Leipzig

Thawhlehni zan khan RB Leip­zig chuan Hamburg 3-1 a hnehin Ger­man Cup final an lut. Nizana semifinal lehlama inkhel Bayern Munich leh Werder Bre­men a chak zawk nen nomawi an inchuh leh dawn a ni.

Leipzig tan hian Yussuf Poulsen (12') leh Emil Forsberg (72') ten goal khat ve ve an khung bakah Hamburg midfielder Vasilije Janji­cic-a'n (53') anmahni lamah a ti lut a, minute 23-naa Bakery Jatta goal khungin inkhel result a thlak danglam phak lo.

Season hmasa khan Hamburg hi Bundesliga aṭangin an tla a, Germany football inelna sang ber khelh leh tumin kawng dik an zawh mek. Tunah hian 2. Bundesliga-ah pahnihna an ni mek - German Cup lamah erawh an kaltluang a tawp ta rih a ni.

Leipzig coach Ralf Rangnick chuan, "Inkhel hun hmasa lam minute 20 chhung khan 3-0 a hmahruai thei tur kan ni. Mahse, Hamburg khan huaisen takin min bei let a, harsa angreng takin kan tlang hram a ni," tiin a sawi.