Miller aiah Ortiz ding dawn lo

June 1-a Jarrell Miller nena an in­hma­chhawn tur a tlawlh hnuah Anthony Joshua chu Luis Ortiz nena inhmachhawn tur anga sawi ni mah se Ortiz-a team te chuan sawm­na an hmuh loh thu an sawi.

Ortiz-a team King Kong Boxing chuan, "Joshua inhnek tur tih lar tuma sawi rik mai mai a ni a, contract pawh thawn kan ni lo," tiin thuchhuah an siam.

Miller hi March 20-a test-a neihnaah thil fel lo hmuhchhuah a ni a, hei vang hian Joshua nena an inhnek turah hian licence pek a ni lo.

Joshua hian inhnek hmachhawn tlang a tum tho avangin a khingpui tur ngaihtuah a ni a, Ortiz bakah hian Poland boxer Adam Kownacki leh American boxer Michael Hunter te hming pawh lam rik a ni.