Saitluangpuia zinkawng a tawp

Bangkok khawpuiaYonex-Singha-Roza BTY Junior International Challenge neih mekah Mizo naupang Saitluangpuia Sailo chuan singles-ah third round lut mah se nimin khan Thanakorn Meechai a ngam lo a, Thai shuttler lakah hian 21-9, 21-19-in a tlawm.

Ramhlun Venglai naupang hi Under 15 huang inelnaah India aiawhin a inlan a, a match hmasa pahnihah inelna thlengtu Thailand leh Vietnam shuttler-te ngam mah se third round erawh a paltlang zo ta lo a ni.

SAI Gopichand National Badminton Academy, Hyderabad-a badminton zirlai Saitluangpuia hian doubles inelna a hmachhawn bawk a, first round-ah hnehna an chang tawh.

Nizan khan a kawppui, Telangana lam mi Vinay Balasani nen second round-ah inelna thlengtu Thailand shuttler tho an hmachhawn a, he thu buatsaih a nih lai hian result kan hre hman lo.

Saia hian Bangkok-a inelna a hmachhawn zawhah hian April 30 aṭanga neih ṭan tur Pemrangunanjaya Raya Junior Grand Prix a hmachhawn leh dawn a, inelna hi Jakarta-ah neih tur a ni ang.