Tuichangral chungah Anastasia

Nilaini zan Suzuki Gixxer Pro Volleyball League 2019 inkhelah Anastasia Electric Veng chuan Tuichangral 9-15, 12-15, 15-12, 15-8, 16-14 (3-2) in an hneh. PVL 2016 champion hian match hnih an khelhah point nga hmuin pathumna dinhmun an luah.

Chawnpui Sports Centre-a inkhelah Tuichangral tan Jaideep Sandu chuan point 22 thawk chhuakin a vawi khat nan RS Traders Player of the Night atan thlan a ni a, mahse thlawptu a neih ṭhat tawk loh avangin a team a chakpui zo lo.

Zanin hian a hmun ngaiah inkhel a awm leh dawn a, pahnihna ni lai Durtlang North leh semifinal luh beiseina la nei Tuichangral te hi an inhmachhawn zui leh ang. PVL team pasarihte hi an inkhelh kual hnuah a sang paliin semifinal an khel ang.