Championship Team of the Season Norwich leh Leeds rorelna hmun

Professional Footbal­lers' Association's Cham­­­pion­ship team of 2018-19 tihchhuah a ni a, Norwich leh Leeds player-ten ro an rel.

Championship hma­hruaitu Norwich leh pa­thum­na dinhmun luah mektu Leeds hian player pathum ve ve an thawh a, an player thawh ang zat thawh thei club dang an awm lo.

Leeds player zingah midfielder Pablo Hernan­dez, defender pahnih Pontus Jansso leh Liam Cooper te an lang a, Norwich defender pahnih Jamal Lewis leh Max Aarons an lang bawk.

Tlarhmaah goal 28 khung tawhtu Norwich striker Teemu Pukki chu Sheffield United captain Billy Sharp leh Aston Villa forward Tammy Abra­ham te nen dah ho an ni.

Midfield-ah Pablo kawppui turin Oliver Norwood leh Villa player langsar Jack Grealish te dah an ni a, Middlesbrough goalkeeper Darren Ran­dolph chu si ban nghakah dah a ni thung.

Norwich hian season thara Premier League khel turin match hnih hmabakah point khat chiah an mamawh tawh a, Sheffield United chuan point thumin Canaries hi an phak lo mek.

League match hnih a zawna an tlawm avangin Leeds United beiseina a thamral mek a, Sheffield hi point thuma phak loin pathumnaah an awm rih.