Milan pet chhuaktu Lazio

AC Milan-in tun season chhunga nomawi an beisei theih awmchhun Coppa Italia chu an thlauh keh leh ta. Gennaro Gattuso naute hi Napoli lakah 1-0 a chak loin semifinal-ah an zinkawng a tawp.

Team pahnih te Lazio khelmuala an intawn ṭumin goal a lut lo. San Siro Stadium-ah pawh an inkhel tawk viau, minute 58-naah Lazio midfielder Joaquin Correa chuan counter attack aṭangin goal awmchhun a khung.

Milan coach Gattuso chuan, "Hun harsa tak a ni, match hnih kan khelh chhung zawnga goal kan khung theih loh kan tuar. Tunah hian lungngaia indawmkun hun a ni lo, kartawpa Torino nen kan inkhelh tur pawh hi final ang thoa pawimawh a ni," tiin a sawi.

Serie A-ah Milan hi palina an ni mek a, an khingpui tur Torino hi pasarihna an ni mek - Milan tan season thara Champions League khel tur chuan palina chinah tal an awm a ngai a ni.

Nizan khan Atalanta leh Fiorentina ten semifinal hnuhnung zawk an khel a, a chak zawk leh Lazio ten May 15 zan hian nomawi an inchuh zui leh ang. Champion lai Juventus chu quarterfinal-ah Atalanta hneh loin an lo tla tawh a ni.