Sala pa a thi

Kumin January thlaa thlawhtheihna chetsualna vanga thi Emiliano Sala pa Horacio Sala chu kum 58 mi niin nimin khan an khua Progreso, Argentina-ah lungphu chawlin a thi.

Argentine forward Emilian Sala hi January thla khan Premier League club Cardiff City chuan an club history-a player manto ber ni turin French club Nantes aṭangin an lalut a, amaherawhchu an chuanna thlawhtheihna te chi 'Piper Malibu' chu English channel-ah a tlak avangin a thi.

He thu a hriat hian truck driver hlui Horacio chuan, "Ka awih thei lo. Mumangah pawh kan beisei phak loh malsawmna kan chungah a thleng a. Amaherawhchu chhiatna rapthlak takin a zui leh ta si. Ka hretthiam thei lo," tiin a fapa thi chu pawm harsa a tih thu a sawi.

An tualchhung politician Julio Muller chuan, "Zing dar ngaah Horacio nupuiin mang ang takin min rawn bia a, ka thlen phei chuan doctor pawh an awm tawh a, mihring a chang tawh lo a ni" tiin thil thlen dan a sawi.