Kolkata tan Karthik chet ṭhat a tawk lo

Indian wicketkeeper Dinesh Karthik chuan World Cup-a India tana inlan a phu zia pholangin Ningani zan khan Indian Premier League-ah Kolkata Knight Riders tan run 97 a siam.

Mahse, Karthik chet ṭhatnain KKR a chhanhim zo chuang lo a, Rajasthan Royals lakah wicket thumin an tlawm. KKR hian over 20-ah run 175 an siam a, wicket ruk an hloh.

Karthik hian run 97 siamin a tawp thleng a dam a, mahse Kolkata club tan batsman dang zingah Nitish Rana (21) chiah run 20 siam tling thei a awm a, Karthik chet ṭha ringawt mah se team angin run an siam hnem tawk lo.

Rajasthan bat hun a thleng a, over 19.2-ah an target hi rawn umphain wicket sarih an hloh. Run 47 siamtu Riyan Parag chu RR tana run siam hnem ber a ni a, run 27 siama a tawp thleng rawn dam Jofra Archer a che ṭha viau bawk.