Chong Wei inkhel rih dawn lo

Hnar cancer vanga hun rei tak chhung a inkhelh theih loh hnuah Lee Chong Wei a dam tawh a, mahse Malaysian tlangval hian May thlaa khelh tur Sudirman Cup-ah erawh inlan a la tum loh thu a tichiang.

China-a inelna neih tur hi May 19-26 chhunga neih tur a ni a, a tirah chuan Chong Wei hian inlan theih a beisei. Amah­erawhchu, amah en­kawltu doctor thurawn angin a inkhel dawn lo.

Kum 36 mi Chong Wei hi a vanglai a liam ve tawh, natna khirh tak a neih bawk avangin badminton a khelh leh tawh loh ringtu an tam hle. Harsa takin natna a paltlang a, tunah chuan Tokyo 2020 Olympic khelh a beisei ngam leh tawh a ni.

Badminton Associa­tion of Malaysia secretary Ng Chin Chai chuan, "Lee Chong Wei hi Sudir­­man Cup-ah a inlan dawn lo tih ka sawi duh. Beisei ang chuan All England pawh kha khel tur a ni a, mahse a hriselna dinhmun ngaihtuahin atan badminton court chhunga luh a la hun lo," tiin a sawi.