TT Day an hmang

April 6, Thawhlehni kha 'World Table Tennis Day' a ni a, Mizoram Table Tennis Association huaihawtin Vaivakawn Cultural Centre and Auditorium a Table Tennis Hall-ah TT Day pual hian hun an hmang.

TT Day-in a tum ber chu Table Tennis infiamna chawi lar leh mitin khelh theih infiamna a ni tih lantir a ni. TT tana tha thawh hlawk Serchhip District Table Tennis Association te hnenah chawimawina hlan a ni a, tualchhung player langsar - Alberto L.R. Ruata leh Moumita Saha te an chawimawi bawk.

Vaivakawna World TT Day hman rual hian - Serchhip, Lunglei, Kolasib leh Aizawl Electric Vengah te District TT Association leh club hruaitute kaihhruaina in World Table Tennis Day hi an hmang bawk a ni.