Junior Girl's National Football Quarterfinal-ah Mizoram an tla

Hero Junior Girl's National Football Championships 2019-ah Mizoram hmeichhe team chuan Inrinni khan Gujarat 1-0 a hneh loin an tla a, inkhel dangah Himachal Pradesh-in Odisha 4-0 in an hneh a. Gujarat, Himachal Pradesh, Jharkhand leh Haryana te semifinal an lut.

Kolhapur, Maharashtra-a inkhelah Gujarat-in defensive game an khel a, chutichung chuan Mizoramin chance ṭha an insiam thei a. Tun inelnaa match tina hattrick siamtu Lalrinmuani goal khung chu offiside vangin pawm a ni lo a, Darlawn tleirawl hi a goal khung tur an titlu chungin foul ham sak a ni lo. Hei bakah hian Ruth Vanlalpeki'n goal ban a pet per bawk.

Amaherawhchu, injury time-ah pawh minute linaah Gujarat tan Ishita Ann Mathew chuan goal pawimawh a khung a, hemi hnu hian Mizoram hian chance ṭum hnih la insiam hman mah se goal an khung thei lo.

Mizoram manager Mary Lalawmpuii (Lakuri) chuan, "Kan rilru a na takzet. Player-te an ṭap a, kei pawh ka bang bik lo. Kan chak loh dan hi a na takzet a, kan khelh dan thlir chuan semifinal thlen kan phuiin ka hria. Chutihrualin kan tum ram thleng pha lo mah ila lawmna tur tam tak kan nei a, kan naute ṭhat zia kan hmu a, hmasawn turin ke kan pen zel ang," tiin Vanglaini a hrilh.

Mizoram Zinkawng
Group Stage
April 21, Pathianni
Mizoram 9 - 0 Punjab
MIZ : Lalrinmuani 6', 41', 45'; Lalnunsiami 62', 87'; Lalhlupuii Varte 10'; K. Ngopawdi 45+2'; Nancy Lalhlimpuii 57'; Vanlalnghaki 65'
April 23, Thawhlehni
Andhra Pradesh 0 - 7 Mizoram
MIZ : Lalrinmuani 26', 38', 75'; Gladys Zonunsangi 37', 45+1'; Ruth Vanlalpeki 46'; Lalnunsiami 87'
April 25, Ningani
Mizoram 4 - 2 Kerala
MIZ : Lalrinmuani 20', 23', 37'; Sonia Jose 32' (OG)
KER: Sreelakshmi 49'; Area Sree 79'
Quarterfinal
April 27, Inrinni
Mizoram 0 - 1 Gujarat
GUJ : Ishita Ann Mathew 90+4'