Austria-ah F1 an tlan ngei hmel

Covid-19 chhum dum karah lawmna tur lam a awm mek zel, car intlansiakna sang ber Formula 1 chu July thla hian Austria ramah an tlan ngei hmel, sorkar lam chuan tlan phalna hi an pe.

March thla a tlan ṭan tum F1 hi tun thlengin an la tlan thei lo. Austrian Grand Prix hi July 12-ah tlan tum a ni. Red Bull Ring tlankawngah hian a hmuna entu an awm lo ang, season tluanin a hmuna entu an awm a rinawm loh.

Austria ramah hlawh-tling taka an tlan a nih chuan July 19 hian Budapest, Hungary-ah an tlan zui leh ang. August thla hian Silverstone tlankawngah intlansiak pahnih neih theih an tum.

F1 thuneitu lam chuan 2020 season calendar an siam danglam mek zel a, world championship nei pangngai tur chuan a tlem berah kum khatah intlansiak pariat tal an neih a ngai.