Australian MotoGP an ṭhulh

Australian motosports lam thuneitute chuan kumin atan Australian MotoGP chu neih loh tur a ni tih an sawi chiang, bike intlansiakna bakah hian car intlansiakna Formula 1 pawh an lo ṭhulh tawh.

Kum 1984 aṭang khan Australia hian kum tin MotoGP hi a thleng ziah a, kumin pawh hian October 23-25 chhung hian Phillip Island-ah neih leh ngei tum mah se coronavirus vangin an ṭhulh a ngai.

Hripui leng vang hian Australia hma hian Germany, Finland, Great Britain Grand Prix te chu an lo ṭhulh fel tawh. France, Italy leh Catalunya te chu sawn a ni tawh; July thla hian Spanish Grand Prix chu Jerez tlankawngah tlan theih an beisei mek.