AFC Cup-ah Chennaiyin

Asia khawmualpuia club inelna sang ber dawttu AFC Cup-ah Chennaiyin FC chu zanin dar 7:30 hian an inlan dawn a, Bangladesh club ṭha Abahani Dhaka an mikhual ang.

Chennaiyin hian an match hmasa berah Indian club Minerva Punjab an inhnehtawkpui a, match hnihnaah Nepal club ṭha Manang Marshyangdi Club chu 2-0 in an hneh.

Indian Super League club hi Group E-ah match hnih khel tawhin hmahruaitu an ni mek a, pahnihna Abahani Dhaka pawh hi point li nei tawh tho an ni - hmahruaitu nih an inchuh dawn. Chennaiyin, Abahani Dhaka, Minerva Punjab leh Manang awmna Group E aṭang hian hmahruaitu chauhin Inter-zone playoff semifinal an lut dawn a, hmahruaitu lo tan kawng a inhawng lo.

Zanin inkhelah hian Mizo tlangval Jeje Lalpekhlua leh Jerry Lalrinzuala te chu Chennai club tan inlan tura beisei an ni.