Champion lai Hunthar inlan hun

Zanin hian Chawnpui Sports Centre-ah Suzuki Gixxer Pro Volleyball League khelh chhunzawm a ni dawn a, champion lai Hunthar leh Durtlang North te dar 8:00-ah an inhmachhawn ang.

Hunthar hian match hnih an khelh tawhah point ruk hmuin table-ah palina an ni mek - semifinal khel phak chinah awm mah se an dinhmun a ṭha tawk lo. Pahnihna nilai Durtlang North lakah chungnung taka hnehna an chang thei a nih erawh chuan an tlanpel thei dawn.