Kvitova tan nomawi pahnihna

Pathianni zana khelh zawh tak Stuttgart Open final-ah Petra Kvitova chuan Anett Kontaveit hnehin nomawi a chawi a, tennis season kal laiah hmeichhe player zinga WTA singles title pahnih la thei hmasa ber a ni.

Kum 29 mi Kvitova hian darkar khat leh minute 31 chhungin 6-3, 7-6 (7-2) in hnehna a chang. World number 15 Kontaveit hi semifinal-a a khingpui world number 1 Naomi Osaka inlan theih loh vangin hahchawlhna hun ngah mah se, final-ah tawnhriat a neih tlem a lang.

Wimbledon vawi hnih champion tawh Kvitova-i'n January thla khan Sydney International-ah hlawhtlinna a chang tawh a, tun season chhunga WTA hnuaia inelna dangah erawh player hran hlir an la in champion chhawk a ni.

Czech Republic nula Kvitova chuan, "Ka inkhelh apiangin sta­dium khat tlatin fans an pungkhawm ziah a, ka chunga Stuttgart mipuite ṭhatna hi ka hre reng tawh ang," tiin Germany rama clay court inelna pakhat chu nuam a tih thu a sawi.