Hardik Pandya ropuina hliahtu KKR

Mumbai Indians tan Hardik Pandya chuan run 91 ngawt vaw chhuak mah se Kolkata Knight Riders ropuina hmaah Pandya thiamna hliah boin a awm a, Kolkata club lakah hian run 34-in an tlawm.

KKR hi bat hmasain over 20-ah run 232 ngawt an siam a, wicket hnih chiah an hloh! Kolkata club tan hian a ding chhuak hmasa pahnih Chris Lynn (76 runs) leh

Shubman Gill (54) te an che ropui nghal a, Andre Russell chuan run 80 zet siamin a tawp thleng a dam bawk.

Mumbai bat hun a thleng a, opener Quinton de Kock chu run siam loa a out nghal avangin beisei a sang lo. Mahse, Hardik Pandya chuan ball 34 lek a hmachhawnah run 91 siamin a tawp thleng a rawn dam - a pawi ber erawh batsman dang zingah run 30 vaw kai thei an awm lo. Over 20-ah run 198 tlinin wicket sarih an hloh a, Mumbai an tlawm.

Pathianni zan inkhel dangah Delhi Capitals chuan run 16-in Royal Challengers Bangalore an hneh bawk a, DC tan Shikhar Dhawan (50) leh Shreyas Iyer (52) te chu chakna hnar an ni.

Inkhel Results
Kolkata Knight Riders bt Mumbai Indians
*Run 34-in Kolkata Knight Riders an chak
KKR - 232/2 (20) MI - 198/7 (20)
Andre Russell - 80* (40) Hardik Pandya - 91 (34)
Shubman Gill - 76 (45) Suryakumar Yadav - 26 (14)
Hardik Pandya - 31/1 (3) Andre Russell - 25/2 (4)
Rahul Chahar - 54/1 (4) Harry Gurney - 37/2 (4)

Delhi Capitals bt Royal Challengers Bangalore
*Run 16-in Delhi Capitals an chak
DC - 187/5 (20) RCB - 171/7 (20)
Shikhar Dhawan - 50 (37) Parthiv Patel - 39 (20)
Shreyas Iyer - 52 (37) Marcus Stoinis - 32* (24)
Yuzvendra Chahal - 41/2 (4) Amit Mishra - 29/2 (4)
Washington Sundar - 29/1 (4) Kagiso Rabada - 31/2 (4)

Zanin Inkhel Tur
Royal Challengers Bangalore 8:00 PM Rajasthan Royals