Mapuia Cricket League - A sang pali a hriat kim ta

Mizoram cricket inelnaa sum tamna ber Mapuia Cricket League chu nimin khan league round khelh zawh a ni ta a, qualifier leh eliminator khel tur a chiang tawh - Zarkawt Lords chuan table mawng ber luah chungin MCL an mangṭha.

Niminah inkhel pahnih awmin Chhinga Veng chuan run 16-in Ramhlun Venglai an hneh a, table-ah pahnihna nichungin league round an khar. Suaka Cricket Ground-ah Chhinga Veng hian over 20-ah run 99 siamin wicket sarih an hloh.

Ramhlun Venglai tan target huphurhawm niin lang lo mah se over 20-ah run 83 chiah an tlin a, Chhinga Veng hi run 16-in an chak zui.

Inkhel hnuhnung zawkah Chanmarians chuan run 25-a Zarkawt Lords hnehin a sang pali zinga Lords tel beiseina chu an thai chhiat sak a, Chanmari club tan run 53 siama a tawp thleng dam F. Lalmuanzuala chu chakna hnar a ni.

Chanmarians hian over 20-ah run 107 siamin wicket sarih an hloh a, Lords hian umphak tum viau mah se run 83 chiah tlin chungin over 20-ah wicket riat an hloh a, run 25-a target umphak loin MCL an mangṭha a ṭul ta a ni.

Inkhel Results
Chanmarians CC bt Zarkawt Lords CC
*Chanmarians-in run 25-in hnehna an chang

Chanmarians CC - 107/7 (20)
F. Lalmuanzuala - 53* (33)
Lalhriatrenga - 17 (30)
B. Lalnunfela - 9/2 (4)
Rajesh Kumar - 16/1 (3)

Zarkawt Lords CC - 83/8 (20)
Roluahpuia Ngente - 23 (44)
Lalmuanpuia - 21 (22)
H. Zothanchhunga - 8/1 (4)
Lalhruaizela - 7/1 (2)

May 1, Nilaini
Qualifier 1
Kulikawn CC 09:00 AM Chhinga Veng CC
Eliminator
Chanmarians CC 12:30 PM Ramhlun Venglai CC