FA-in Youth Cup khelh zawh hram a duh

English football-a thuneitu sang ber Football Association chuan Premier League Under 18 season titawp mah se FA Youth Cup erawh khelh zawh hram a duh a, khelh zawh dan a ngaihtuah mek.

FA Youth Cup hi semifinal an thleng tawh a, Chelsea vs Manchester United leh Blackburn Rovers vs Manchester City chu final-a lut tur zawng tura a thiam pali an ni. 

Academy Games programme, Under-9 aṭanga Under-23 chu May 1 khan a season tihtawp a ni tawh a, hetihrual hian engtiakah nge 2020-21 season bul chu an ṭan leh dawn a la chiang lo. 

FA Cup final pangngai chu August 1 hian khelh tum a ni a, hetiang a nih takah chuan FA chuan Youth Cup lam pawh zawh theih hram dan a ngaihtuah zui - an zawh theih dan tur ngaihtuah hian thawhpuite pawh an be kual mek a ni.