UFC Fight Night:Burns-a'n Woodley-a hneh

Inrinni zan, keini sana lama nimin zinga UFC Fight Night neihah Brazilian welterweight Gilbert Burns chuan world champion hlui Tyron Woodley chu unanimous point hmangin nimin khan Las Vegas khawpuiah a hneh. 

Kum 33 mi Burns tan a zawna vawi ruk hnehna a channa a ni a, Woodley nen hian round nga inhmachhawnin 50-45, 50-44, 50-44 in hnehna a chang a ni. 

Burns hian round hmasa berah Woodley hi a hnek thi nghal a, round hnihna leh thumnaah Woodley hi a tlu bawk - round nga an inkhelh chhung zawngin Burns hi chungnung tluan chhuak zak a ni.

Brazilian fighter chuan, "Chhan awm loin midang ka cho lo a, ka inpeih tawh a ni. He division tan hriatreng tur ka hnutchhiah a, title beisei ngam tur ka ni. Champion hlui ka hneh dan hi en ula, khawvel hmaah phochhuahin ka awm a ni," a ti. 

Woodley pawhin a tlawmna hi chhuanlam siam loin a pawm a, "Chhuanlam tur ka nei lo, rim takin training ka nei a, ka inpeih hleah ka ngai bawk. Min hnaih chilh lo turin hna ṭha tak a thawk a, chak zo lo mah ila mak takin thlamuang takin ka awm a ni," tiin social media lamah a tarlang.