Sociedad leh Bilbao an inhnehtawk

Copa del Rey final-a an intawn hnu lawkah Real Sociedad leh Athletic Bilbao chu Nilaini zan khan league match-ah an intawng a, 1-1 in an inhnehtawk.

Basque derby-ah hian goal a lut har hle - minute 85-naah mikhual team Bilbao tan Asier Villalibre chuan goal hmahruai a khung a, Copa del Rey final-a Sociedad ngam lotu Bilbao-in phuba an la dawn niin a lang.

Mahse, minute 89-naah Roberto Lopez chuan Bilbao hliam nawn turin mawi zetin an si phurh a sut a, goal dang luhna hun a awm tawh loh avangin 1-1 in an inhnehtawk.