Biles chawlh mai a la tum lo

American gymnast Simone Biles chuan infiamna chawlhsan mai a la tum lo. A rei thei ang ber inelna hmachhawn a tum a, tun dinhmunah chuan 2024 Paris Olympic-ah pawh inlan a la tum.

Kum 24 mi Biles hi khawvela gymnast hlawhtling ber tia sawi ngam a ni. Rio Olympic bikah chauh pawh khan medal panga a la a, a medal lak zinga pali ngawt chu gold medal a ni hial.

Hlawhtling viau mah se mimal harsatna a nei ve neuh neuh reng. Tokyo Olympic 2020 a sawn hnu khan infiamna chawlhsan mai a rilruk hman, mahse a thawhpui French Coach ṭhenkhat chuan chawl lo turin an hmin.

Biles chuan, "Tuna ka thil tum ber chu Tokyo Olympic a ni. Paris khawpuia inelna pawh hmachhawn turin coach ten thurawn min pe a, chumi tur chuan kei pawhin rilru ka siam," tiin a sawi.

Hri leng vangin Biles hian tun hnaiah inelna a hmachhawn ngai bik lo. Tun thlengin invenna (vaccine) a la la lo a, infiammi tan chuan invenna hi lak a ngai dawn nia a hriat thu a sawi bawk.