Tualchhung Cricket Luangmual leh Hunthar an buk dawn

Cricket Association of Mizoram hnuaia 1st division club ni turin hmun ruak pakhat a la awm a, vawiin chawhma dar 9:30 hian Durtlang khelmualah Luangmual leh Hunthar ten hmun ruak hi an inchuh dawn.

Vawiin inkhel tur hi Khaled Memorial 2nd Division Screening Tournement league round hmawr bawkna tur a ni nghal dawn. Match ruk an khelh tawh chinah Hunthar hi vawi nga an chak a, Luangmual lamin ṭum li hnehna an chang thung.

Luangmual tan tlang turin chak ringawt a tawk lo, an khingpui tur hian Net Run Rate an nei ṭha fal. G. Lalbiakvela telna Luangmal hian final lut tur chuan run 200 chuanga hnehna an chan a ngai dawn hial a ni.

Inelna kal laiah hian Legends chuan vawi ruk hnehna changin final an lut chiang tawh. April 10, Inrinni hian Luangmual leh Hunthar inkhel aṭanga tlang zawk nen final an khel dawn.

Vawiin hian Mahuma Memorial 1st Division Screening Tournament pawh khelh chhunzawm a ni dawn a, team ṭha leh final luh beiseiawm zinga mi Ramhlun Venglai leh Durtlang an inhmachhawn ang.