Twenty20-ah India-in Australia ngam lo

India rama tour neia rawn zin mek Australia chuan Nilaini khan Twenty20-ah India chu wic­ket sarihin an hneh.

Men in Blue hi match hmasa zawkah an lo tlawm tawh bawk a, twenty20 series hi match hnih chauh khelh tur a nih bawk avangin Australia hian series hi 2-0 in an la.

T20 match hnihnaah hian India hi an bat hmasa zawk a, over 20-ah run 190 siamin wicket li chiah an hlih a, Virat Kohli chuan a tawp thleng dama run 72 siamin MS Dhoni chuan run 40 a siam bawk a, India an che chhe hran lo.

Mahse, Australia tan Glenn Maxwell a rawn che ropui - a tawp thleng damin ball 55 lekah run 113 a siam a, over 19.4-ah an target an umpha a, wicket thum chiah hlohin hnehna an chang.

India leh Australia hian ODI series match nga an khelh tura match hmasa ber chu Inrinni hian an khel leh ang.