Jamshedpur-in Bengaluru an sawisa

Indian Super League table chung bera awm chiang tawh Benga­­luru FC-in Jamshedpur lakah player naupang leh khel tam lo rual an chhawr a, an mikhualna ramah 1-5 ngawtin an tlawm.

Bengaluru tan hian Semboi Haokip chuan minute 16-na lekah goal hmahruai khung mah se Jamshedpur chhaih kawlhna goal chauh a ni a, goal nga ngawtin JFC hian an chhanglet!

Jamshedpur tan hian Pablo Mor­ga­do chuan goal hnih ngawt a khung a, Augustin Fernandes, Michael Soosairaj leh Carlos Calvo te chuan goal khat ṭheuh an khung ve bawk.

Bengaluru tan hian Sairuatkima leh Edmund Lalrindika te chuan inkhel bul an ṭan a, Aizawl FC goalkeeper hlui Soram Poirei chuan si ban a nghak bawk.

Jamshedpur FC tana inlan Jerry Mawihmingthanga chu Emerging Player of the Match atan thlan a ni a, ATK aṭanga loan hmanga an hawh Malsawmzuala erawhin bench lamah hun a hmang tluan thung.

Zanin dar 7:30-ah semifinal lut chiang tawh NorthEast United chu Kerala Blasters-in an mikhual dawn a, Highlanders hian hnehna an chang a nih chuan semifinal-a Bengaluru pum­pelh theihna kawng a inhawng dawn tihna a ni a, chak ngei an tum ang.