Vawiin aṭangin ODI India Vs Australia

India chuan mikhual Australia lakah T20-ah vawi hnih an chak lo a, vawiin aṭanga khelh ṭan tur ODI-ah result ṭha zawk an beisei ang. Vawiin tlai dar 1:30 hian Rajiv Gandhi International Cricket Stadium, Hyderabad-ah cricket ram ropui pahnih hi an inkhel dawn a, ODI series hi match nga khelh tur a ni.

Match hmasa ber khelhna tur Hyderabad-ah hian Australia hian record ṭha tak an nei a, kum 2007 khan run 47-in hnehna an chang a, kum hnih hnuah Shaun Marsh-a century hmangin Aussies hi an chak leh bawk. India ram hrim hrimah erawh Men in Blue hian record an nei ṭha a, ODI hnuhnung pasarih zinga vawi rukah hnehna an chang.

India captain Virat Kohli chuan, "World Cup atana insiamrem nan tuna kan inkhel tur hi a pawimawh a, chutihrualin hnehna chan ngei erawh a ṭul thung," tiin a sawi.