Osaka team-ah Jenkins a tel

Hmeichhe tennis world number 1 Naomi Osaka chuan a team zingah Jermaine Jenkins an lakluh thu a sawi a, United States coach hian eng hna ber nge a thawh dawn tih erawh sawi chian a ni lo thung.

Grand Slam vawi hnih champion tawh Osaka hi thla hmasa khan a coach Sascha Bajin nen an inṭhen a, hemi hnuah coach nghet a la nei lo. Dubai Tennis Championship a khelhah chuan Japan Tennis Association trainer Masashi Yoshikawa nen an thawkdun a ni.

Kum 21 mi Osaka chuan, "Team ho nen hun hlimawm tak kan hmang, kan zingah Jermaine a rawn tel avangin kan lawm hle," tiin a sawi. Kar leha khelh tur Indian Wells-ah beiseina a neih san phah ang. Kum 34 mi Jenkins hian tun hma pawhin Grand Slam vawi sarih cham­pion tawh Venus Williams a lo enkawl tawh a, tun hnai mai khan United States Tennis Association women's national coach atan ruat a ni bawk.