India hmeichhe football hmasawnna tur sawiho

Nimin khan India rama hmeichhe football hmasawnna tur sawihona, 'Strategy Planning Conclave of the National Alliance of Women's Football in India' chu New Delhi-a Australian High Commission-ah neih a ni a, Mizoram Football Association Honorary Secretary Lalnghinglova Hmar chuan presentation a nei.

He hunah hian India ram hmun hrang aṭangin football hmasawnna ngaihtuahtu sàwm bikte an tel a, mi hrang hrangin presentation an neih hnuah zirhona hun buatsaih a ni.

FIFA aiawh, All India Football Federation aiawh, state association sawm bîk aiawh, club aiawh, sorkar laipui aiawh, sports company, sponsor, journalist leh hmeichhe footballer hluite sawm an ni a. UN aiawh, CII aiawh, Australian High Commission aiawh pawh an tel a ni.

Sawikhawm Tlangpui
1. India hmeichhe football-in ngaihven a hlawh tawk lo. Mipa aiin hmeichhe team FIFA ranking a sang zawk.
2. Pawisa awm lo chungin tun aia ngaihven an hlawh chuan hmasawnna awm ang.
3. Tun aiin media leh social media ah hmeichhe football uar zawka thehdarh.
4. Naupang aṭanga bul ṭan. Hmeichhe naupang inkhelhna a tam thei ang buatsaih.
5. Talent zawng chhuak tura competition tam thei ang buatsaih.