Inhnek hmuhnawmah Mizo tlangval a chak

Yodha 4x4 Pickup LPS Pro Fight quarterfinal chu Ningani zan khan R. Dengṭhuama Indoor Stadium, Mualpuiah khelh chhunzawm a ni a, a zawna vawi thum Meghalaya champion ni lai mek Dondor Marwein chu Republic Veng tlangval Zochhuanmawia Fanai chuan unanimous decision-in an hneh.

Lightweight inhnek hmuhnawm takah Zochhuana hian 2010 lightfly champion ZD Lalchhuanawma hnehtu Marwein hi round tinah a hneh vek a, GIG Motors Fighter of the Night atan thlan a ni.

Pro Fight inhnek dangah Khatla South tlangval Zomuansanga chuan harsatna nei loin Vaitin boxer Boyka Lalhriatsanga a hneh a, Chawngtlai tlangval HC Lalramfela pawhin Niawhtlang tlangval Vanlalzawna lakah hnehna a chang bawk. Ningani zan inhnek hnuhnung berah Ramhlun South boxer C Lalduhawma chuan Kolasib tlangval Benjamin D Lalruatfela a knockout.

Nizan khan quarterfinal khelh zawh a ni a, tukin dar dar 8-9 chhungin Hawla Indoor Stadium, Republic Vengthlangah inbuk ṭhat leh a ni ang.

Quarterfinal - February 28, Ningani zan

Lightfly
Lallawmawma, Tuipui bt Pynskhem L Nonglait, Meghalaya
(Mitko hliam vangin Pynskhem L Nonglait chuan a khel thei lo)

Bantam
HC Lalramfela, Chawngtlai bt Vanlalzawna, Niawhtlang
Unanimous Decision (50-45, 50-45, 50-45)

Light
Zochhuanawma Fanai, Republic Veng bt Dondor Marwein, Meghalaya
Unanimous Decision (50-45, 50-45, 50-45)
Zomuansanga, Khatla South bt Boyka Lalhriatsanga, Vaitin
Unanimous Decision (50-45, 50-45, 49-46)

Middle
C Lalduhawma, Ramhlun South bt Benjamin D Lalruatfela, Kolasib
Knockout (Round 2, minute 2:11)
GIG Motors Fighter of the Night : Zochhuanawma Fanai, Republic Veng