Tendulkar-a'n Damdawi in a chhuahsan

India legend Sachin Tendulkar chu Covid-19 vanga damdawi ina a awm hnuin April 8, Ningani khan in lama in enkawl turin damdawi in a chhuahsan.

Tendulkar chuan, "Damdawi in aṭangin in lamah ka haw tawh a, chutihrualin ka la hahchawlh dawn bakah ka la inkhung hrang dawn. Min ngaihtuah a, duhsakna min hlan a, min ṭawngkaisaktute zawng zawng chungah lawmthu ka sawi," tiin twitter-ah a ziak.

Kum 47 mi Tendulkar hian kum 2013 khan cricket khelh a chawlhsan a, khawvel batsman ropui ber ang hialin mi tam takin an ngai. India tana Test match vawi 200 a khelh aṭangin run 15,921 a siam a, ODI match 463 aṭangin run 18, 426 a vaw chhuak bawk.