LeBron tel lohna Lakers chak lo

LA Lakers-in an player pawimawh pahnih LeBron James leh Anthony Davis te an chhawr thei lo a, Ningani zing khan Miami Heat lakah 110-104 in an chak lo.

Heat tan Jimmy Butler-a che ṭha a, point 28 zet a nei. Lakers tan Kentavious Caldwell-Pope-a'n point 28 nei ve bawk mah se Heat laka chak nan a tawk lo.

James leh Davis te inkhelh theih hun a la hriat loh a, chutihrualin Lakers tan Kentavious Caldwell-Pope, Kyle Kuzma leh Markieff Morris te an chet ṭhat avangin Western Conference-ah pangana an la ni pha tho.