Dhoni hmachhawn tur Pant

Zanin dar 7:30 hian Wankhede Stadium, Mumbai-ah Chennai Super Kings leh Delhi Capitals te an inhmachhawn dawn. Delhi captain Rishabh Pant hi kum 23 mi a ni a, Chennai captain MS Dhoni hi kum 39 mi a ni thung.

Keeper-batsman Pant hi Shreyas Iyer inhliam vanga captain a ni a, India captain hlui Dhoni a dah sang hle. Pant chuan, "Captain anga ka hna hmasa berah Dhoni ka hmachhawn dawn. Ani hnen aṭang hian thil tam tak ka zir a, tun ṭumah hian ama hnen aṭanga ka thil zir tawhte leh mimal anga ka tawnhriatte hman ṭangkai ka tum ang," tiin a sawi.

Delhi hian batsman an nei ṭha a, Pant bakah hian Shikhar Dhawan, Prithvi Shaw, Ajinkya Rahane leh Steven Smith te an awm. Chutihrualin vawi thum champion tawh CSK hian season liam taa an chet chhiat theihnghilh tun ṭumah hian result ṭha zawk neih an tum ang.