Michael Jackson documentary film kan hmu dawn

Mi ropui dangte ang bawkin - American singer ropui fam ta Michael Jackson-a chanchin tarlanna documentary film pawh siam a ni dawn. BBC chuan hemi chungchang hi tun hnai khan an tarlang a, he documentry hi kumin chhunga tihchhuah hman an tum thu an sawi.

Michael Jackson documentary film hi Jacques Peretti chuan a direct dawn a, kum tawp lamah chuan kan hmu hman dawn a nih hmel hle. He documentary-ah hian a chanchin hrang hrang tarlan a ni dawn a, en chakawm tawh tak a ni. A bikin amah ngaisangtute tan chuan chanchin lawmawm tak a ni a, an phur tawh khawp ang le.

Peretti hian Micahel Jackson behchhanin film eng emaw zat a lo siam tawh a, chung zingah chuan Micahel Jackson: What Really Happened, Michael Jackson's Last Days: What Really Happened leh Michael Jack­son's Secret Holly­wood te pawh a tel a ni.