India-a Hmeichhe World Cup khelh hun sawn
FIFA Under 17 Women's World Cup, India-in November-a a thlen tur chu a hun sawn a ni a, a hun atana ruat tharFIFA Under 17 Women's World Cup, India-in November-a a thlen tur chu a hun sawn a ni a, a hun atana ruat thar erawh puan zar a la ni lo thung.
Football khawvela thuneitu sang ber FIFA chuan coronavirus hri leng mek zirchiang a, a ṭul dan a zira hma la turin pawl a din a, he pawl hi Zirtawpni khan a vawi khat nan an inhmukhawm.
Inhmuhkhawmna hmasa berah hian FIFA U17 leh U20 Women's World Cup khelh hun sawn chu a tel nghal a, India pawhin inbuatsaihna kalpui nasa viau tawh mah se hun thar a ngaihchan a ngai dawn tihna a ni.
June thlaa FIFA hnuaia international match leh competition te pawh khelh rih loh tura tih vek an ni a, 2022 World Cup qualifier an lo sawn nual tawh pawh an la ngaihtuah leh ang.
Kum 2017-a FIFA U17 World Cup hlawhtling taka lo thleng tawhtu India hian Nikum March khan FIFA Under 17 Women's World Cup hi an thleng dawn tih a chiang tawh a, Bhubaneswar, Kolkata, Guwahati, Ahmedabad leh Navi Mumbai te chuan inelna hi an thleng dawn a ni.