Pachak zawnna hmuhnawm nghal

Mizoram Powerlifting Association (MPA) leh Zonet ṭangkawpin a buatsaih Mizoram Pachak zawnna chu Zirtawpni zan aṭang khan neih ṭan a ni a, pachak 16 ten Hawla Auditorium-ah inelna hmasa ber atan 'Buklung in char kan siak (Dumbbell Overhead Press)' an nei.

Zanin hian Hawla Indoor Stadium, Republic Vengthlang kawtah JCB ke namleh hmang leh, Truck body-a bungraw inhlankaisiak hmangin inelna neih chhunzawm leh tur a ni ang. Tun ṭuma an inelna tur pahnihah hian mi pahnih zel a rualin an inel dawn a, mi pakhat tan minute thum zel hun pek an ni ang.

Pachak zawnna hi inelna chi hrang 13 hmanga neih a ni dawn a, inelna tinah hian point pek zek an ni dawn - pakhatna aṭanga 12-na thlengin point an hmu thei dawn. Inelna hi Zonet chuan a tuk zanah a pe chhuak leh ṭhin dawn a ni.

Zan hmasa bera point hmuh dan
# Hming Points
1 Lalhriatrenga 20
2 P. Lalchamliana 17
3 Abraham Lalṭhakima 17
4 Ngurthanzauva Sailo 15
5 K. Lalchhanhima 13
6 Lalṭanpuia 11
7 Jonathan Lalbiakhlua 9
8 Eliza Malsawmtluanga 7
9 Lalchhuanawma 5
10 Vanlalchhuanga 4
11 Lalnunthara Chhangte 3
12 Zomuansanga 0
13 Joseph Laldinsanga 0
14 Freddie Lalremruata 0
15 VS Laldinpuia 0
16 Joseph Lalnunmawia Pautu 0
Note : Inelna hmachhawn zawng zawng tarlan an ni a, inelna neih apiangin table hi a danglam thei.