MFA-in Dr T. Ao Football champion team an hmuak

Mizoram Football Asso-ciation chuan 2nd Dr T. Ao North East International NEC Gold Cup Under 21 Football Championship-a champion Mizoram chuan team chu Ch. Saprawnga Truck Terminal, Rangvamual-ah an hmuak.

Mizoram hian Dr T. Ao U21 football-ah hian an vawi khat telnaah an champion nghal a, final-ah Meghalaya chu hun pangngaia an inhnehtawk hnuin penalty shootout-ah 3-1 in an chak. Coach Vanlalpeka kaihhruai team hian semifinal lut turin Manipur (1-0), Nagland (4-1), Nepal (3-0) leh Tripura (4-0) a an hneh bakah Meghalaya nen 3-3 in an inhnehtawk a, final lut tur hian Arunachal Pradesh 5-0 in an hneh leh bawk. Inelnaah hian Ngopa tlangval F. Lalnuntluanga chu best player-a thlan a ni.

MFA finance secretary Lalruatsanga Tochhawng chuan, "Mizoram team kan chhuang takzet che u a, chutihrualin 'star' emaw inti reng reng suh u. Bul in la ṭan dawn chauh a, hlawhtling turin tun aia nasa hian inthawhrim a ṭul a ni," tiin a fuih.

Mizoram team hian lawmmanah cheng nuai riat an dawng a, MFA danah chuan 50% a insem tur ni mah se tun ṭum bikah hian champion team hian 50% chuang dawngin mimal tinin Rs 20,000 an dawng.

Sl. No. Name Club Address
Goalkeeper
1 Lalrinnunga Electric Veng FC Khawhai
2 RS Lawmzuala Venghnuai FC Republic Veng
Defender
3 David Lalrinsanga Bethlehem VT FC Bethlehem Vengthlang,
4 Vanlalnghenga Chawnpui FC Dinthar, Serchhip
5 Lalmuanawma Chanmari FC Republic Veng
6 Flavius Lalruatkima Electric Veng FC Bairabi
7 Lalmawizuala Ramhlun North FC Nisapui
8 Lalbiaknia Royte Kanan FC Pukpui, Lunglei
Midfielder/Winger
9 C. Lalchhuanawma Mizoram Police FC Armed Veng
10 K.C. Larchhuakmawia Chanmari FC Cherhlun, Lunglei
11 Lalruatfela Chawnpui FC Republic Veng
12 K. Roluahpuia Chawnpui FC Khawruhlian
13 Lalremruata Ramhlun North FC Ramhlun South
14 F. Lalnuntluanga Chhinga Veng FC Ngopa
Forward
15 David Lalthansanga Chawnpui FC Chawnpui
16 Lalnunzama Chanmari FC Laipuitlang
17 PC Lalhriatpuia Aizawl FC Saitual
18 Lalhmingchhuanga Hauhnar Kanan FC Ramhlun Vengthar
Coaching Staff
Manager Peter Lalzawmliana Kulikawn
Asst Manager NC Hmingthanzuala Chanmari
Coach Vanlalpeka Lawngtlai
Asst Coach Timothy Vanlalchhuanga Ngente Kulikawn