Highlanders hmachhawn tur Bengaluru

Indian Super League-ah semifinal-a inhma­chhawn tur a chiang ta a, palina nichiang tawh NorthEast United chuan table chung bera awm Ben­ga­luru an hmachhawn ang.

NorthEast United hian Zirtawpni zan khan Kerala Blasters chu goal khung loin an inhnehtawkpui a, hnehna an chan zawh loh avangin Inrinni zanah Mumbai City chak lo mah se palina an nichiang.

Mumbai City hian Inrinni zan khan an mikhualna ramah Pune City chu 1-2 in an ngam lo a, Maha derby-ah mual­neitu team tan Adil Khan leh Iain Hume ten goal an khung - Mumbai tana Arnold Issoko penalty-in awmzia a nei lo.

FC Goa chu table-ah pahnihna nichiang tawh sa niin Mumbai hi pathumna an ni a, team pahnih hi semi­final lehlamah an inhma­chhawn bawk ang.

ISL Semifinal Fixture
First Leg
March 7, Ningani Zan
NorthEast United 7:30 PM Bengaluru FC
March 9, Inrinni Zan
Mumbai City 7:30 PM FC Goa
Second Leg
March 11, Thawhṭanni Zan
Bengaluru FC 7:30 PM NorthEast United
March 12, Thawhlehni Zan
FC Goa 7:30 PM Mumbai City